花姐廚房

营业中

休息中

好多人都讲过，呢间细细地嘅茶餐厅好味道。今朝等我走去试一试，叹返个早餐先。我叫咗个传统早餐--叉烧汤通粉、火腿炒蛋多士、冻柠茶。先讲个叉烧汤通粉，个汤底冇乜味道。要放大量胡椒粉,令汤底变得惹味。 叉烧有几块，厚厚的再煎香，好过其他茶餐厅随便放落汤粉内。至于通粉用细细粒个只， 弹牙、有口感、 容易入口、 好味过出面𠮶啲。 钟意食辣的， 可以试下加佢地既辣椒粉，又有另一种味道。至于火腿炒蛋，蛋淡咗少少， 如果觉得唔够咸，就要自己加盐。火腿都煎香，热辣辣既多士就稍为失望。 第一眼望落去会以为比错方包。但了解后先知原来唔够㶶。 好彩搽够牛油，否则肯定唔好食。由于呢度细细间地方浅窄， 但系楼面阿姐成日咆哮入厨房，把声好尖又好似刺耳，所以耳朵比较辛苦，大减折扣。