影片
更多
2023-01-19
2235 浏览
参观完「鞍山探索馆」，再晌「矿工Cafe」磨咗成个几钟，啲雨仲喺落唔停，上昂平无望，就只好提早落山，返回马鞍山。顺道食个早鸟晚餐，就嚟咗由朋友介绍值得一试嘅「WM Cafe & Bar」。 由于嚟得早嘅关系，都未有客，变相包场咁。睇唔出原来餐厅都几大，先喺两边巨型皮梳化嘅卡位，座位做得较阔落。配上大型木餐枱，墙上嘅磁砖画，亦好有心思，加上昏黄嘅小灯，感觉颇有情调。行入啲，落几级，仲有另一个用餐区，呢度就有啲农村小咖啡店嘅感觉，因为几面都喺仿砖墙，衬以木枱木櫈，整体地方整洁企理。 主餐牌有非常多选择，由前菜、汤品、沙律、小食、汉堡、三文治、薄饼、意大利面、意大利饭、主菜、甜品、饮品……等等都一应俱全。此外，主食类，另加$33就可以转为套餐，多了是日餐汤、前菜及餐饮，颇为划算。 餐具、基本调味品、开水都放晌枱边，自由取用。店员亦好醒目，送嚟两杯热水俾我哋浸浸餐具。蕃茄汤、龙虾汤是日餐汤好快送到，两款都喺「红汤」，难得拣龙虾汤都唔需要额外加钱。蕃茄汤里面有唔少蕃茄肉，味道酸香醒神；而龙虾汤饮得出真材实料，就算里面无虾肉，但个汤嘅虾味极之浓郁，质感又够滑身。佐以黑麦包，暖暖哋，好软熟。 厨师沙
由于嚟得早嘅关系，都未有客，变相包场咁。睇唔出原来餐厅都几大，先喺两边巨型皮梳化嘅卡位，座位做得较阔落。配上大型木餐枱，墙上嘅磁砖画，亦好有心思，加上昏黄嘅小灯，感觉颇有情调。
行入啲，落几级，仲有另一个用餐区，呢度就有啲农村小咖啡店嘅感觉，因为几面都喺仿砖墙，衬以木枱木櫈，整体地方整洁企理。
主餐牌有非常多选择，由前菜、汤品、沙律、小食、汉堡、三文治、薄饼、意大利面、意大利饭、主菜、甜品、饮品……等等都一应俱全。此外，主食类，另加$33就可以转为套餐，多了是日餐汤、前菜及餐饮，颇为划算。
餐具、基本调味品、开水都放晌枱边，自由取用。店员亦好醒目，送嚟两杯热水俾我哋浸浸餐具。
蕃茄汤、龙虾汤是日餐汤好快送到，两款都喺「红汤」，难得拣龙虾汤都唔需要额外加钱。蕃茄汤里面有唔少蕃茄肉，味道酸香醒神；而龙虾汤饮得出真材实料，就算里面无虾肉，但个汤嘅虾味极之浓郁，质感又够滑身。佐以黑麦包，暖暖哋，好软熟。
厨师沙律、吉列炸蚝前菜可拣沙律或炸蚝，我哋两个，自不然各样要一客。沙律喺烟鸭胸田园沙律，鸭胸几有烟熏香，沙菜够新鲜爽脆，淋咗少少油醋，戈食味唔错；炸蚝亦好食，虽然蚝肉唔算大，但炸得金黄，唔太油腻，非常香口。
黑松露大啡菇牛肝菌意大利饭 $108小弟一向喜欢拣意大利饭，因为好能够试到师傅手势。卖相睇落都几吸引，巨型嘅大啡菇就放咗上面，而且，洒咗好多巴马臣芝士碎，非常香喷喷。先试件菇，煎得刚好，保留好多菇汁，而饭粒烟韧有咬口，带微微菌香，喺略嫌干身咗少少，再湿润啲就更加正喇。
香煎香茅盲𫚧鱼配烤茄子 $198鱼类嘅主菜一向喺老婆心头好，所以，一见到呢款菜式就唔再睇其他选项。不过，是日盲𫚧无晒，取而代之喺石班，佢都无乜所谓。老实讲，卖相就差咗少少，被茄子抢咗个焦点，但味道又真喺唔错，鱼柳煎得金香，有啲脆边位，鱼肉好嫩滑；茄子烤到软绵绵，混上半溶嘅芝士，不俗，再者，啲薯蓉亦打得够滑，似喺加咗牛油去打，有点点咸咸哋嘅油香味。
热柠水、热咖啡餐饮就简简单单要杯热咖啡而已，即磨货色，杯面仲有一层咖啡油，饮落几醇香，唔带酸味，几合我个人心水；老婆就要杯热柠水，消消滞，又可以清清味蕾。
其实，餐厅都几近马鞍山海滨长廊，食完大可以行过去散散步，如果日头嚟嘅话，走到去乌溪沙码头，除壮阔海景之外，更可以远眺八仙岭，何其赏心。
张贴
