山頭火 (iSQUARE國際廣場)

营业中

休息中

第一次到访iSquare，发现有好多食肆，尤其以日本餐厅居多，但最后都冇改变到原定计划，到左山头火食个午餐。叫左一个叉烧饭餐，包括一个辛味味噌拉面（细）同一碗叉烧饭（细）。渍物有腌翠玉瓜，酸酸地又爽口，不错的。除左翠玉瓜仲有半只蛋，但唔系溏心，有点儿失望。汤底虽然话系辛味，但冇咩辣味，味噌味都唔算太浓，冇咩特别。面亦都只系普通货色，不过不失。整碗面最好的应该系旧叉烧，切得几厚，不会过薄。肉唔会烂晒，而且肥的部份都几多，入口几甘香。如果唔只系一旧的话就好了。食拉面本来系件冇咩特别的事，但多左碗饭唔知点解感觉好似唔同晒咁，可惜原本好期待的叉烧饭有点儿令人失望。整碗饭好干，多啲油份的话就算干啲都无所谓，最衰叉烧全都系瘦肉。食完一碗饭同一碗面后，都几饱的。第一次食北海道的旭川拉面，食唔出同其他拉面有冇分别，亦都可能系依间餐厅自己的问题。总觉得拉面系一样好难有好大惊喜的食物，虽然冇笑脸一个，但都有OK，可以一试的。