The Sky Bar

营业中

休息中

相约朋友gathering,大家出席嘅时间唔同, 有早有迟,最好就系去d唔限时嘅地方The sky bar楼下就系live band,如果怕嘈最好就唔好坐栏杆位。Dinner嘅主菜大致上都系$2xx一款,我哋叫咗4样野,一个牛扒,白酒忌廉青口,焗酥皮海鲜盒,牛油果鸡肉沙律。平时麻麻地青口嘅我今次最推介嘅系青口,好香酒味,而且会一碗仔送面包,点汤好好食。 牛扒我哋叫咗medium well,切开出嚟亦都系七成唔会太老,个沙律就一般般,正常,系鸡肉有啲干身。至于个酥皮海鲜盒,入面都系忌廉汁而且个source都比较杰,唔算好香亦都唔觉得好特别,呢个下次唔会再encore。呢度音乐唔会太嘈又有波睇,所以平日都有大概七八成full, 一班人倾下偈又唔会太嘈系一个几好嘅地方,起码出面唔系间间酒吧嘅嘢食都一定可以接受, 如果以旺角bar嚟讲,佢menu上嘅款式都有唔少畀客人选择。 每人另外叫咗两杯饮品,埋单每人$37x,价钱合理。