莎樂美餐廳

营业中

休息中

从餐厅门口就可以睇得出呢间＂莎乐美餐厅＂历史悠久，系一间怀旧西餐厅。一踏进餐厅，立即好似进入时光隧道一样，时光倒流到八丶九十年代。听到播紧张学友的歌，装修陈设全部都好有怀旧气氛，绿白色格仔地砖，呢度有两层，上层坐位比下层多。灯光比较昏暗。午餐餐牌的选择唔多，只有几款。当日点左越式札肉鸡丝炒饭＄50丶串烧大虾皇伴莎地亚杂扒＄64，两个都系套餐，包一杯饮品丶餐汤丶仲有雪糕，非常经济实惠。份量十足，保证一定捧腹而回。我选择饮周打鱼汤，配经典面包。周打鱼汤有一块梳打饼，而且好多西芹。炒饭好大碟。铁板餐亦都好大份，有鸡扒丶猪扒丶串烧虾丶薯条丶火腿⋯⋯份量惊人。甜品永远都系一款，就系一球朱古力雪糕。