Food Combo (已結業)

屯门而家嘅嘢食越来越多，今日嚟到呢间food combo见到唔系新开左好耐，而且门面唔算好大，但系胜在明亮，都可以吸引到我嘅注意，中午就黎呢度食啦。入到去坐低，地方干净明亮装修简洁富有时代感，舒服，最重要嘅系大热天时，冷气充足，服务员亲切有礼，好详尽介绍我哋佢哋铺头有啲咩特色嘅嘢食。我觉得佢哋最有特色嘅系佢哋嘅餐饮，系可以无限免费添加，而且有三款咁多，而我就梗系要拣生姜红枣圆玉茶啦而且仲系热嘅，女人唔补真系好易老㗎，钟意冻饮嘅都仲可以有其余两款选择，最重要嘅系咩啊？无限免费添加，净系呢一点已经可以留住我个心啦。葡国鸡饭，分量超多，鸡扒嘅屁先至香脆，鸡肉好厚身，而且好滑，依然保留左肉汁嘅香味，葡汁充满椰汁味，里面仲有一啲嘅薯仔同杂菜，份外富有特色。鲜茄大虾意粉，足足有成五只大虾，晶莹剔透爽口弹牙，意粉酸酸甜甜份外开胃，而且佢嘅意粉唔同一般餐厅嘅意粉，佢嘅意粉系新鲜煮起，而且十分之有咬口，唔会过淋，味道适中，真系不可不试。至于加唔加小食，任君选择，我就加咗个粟米啦，份量适中，但系胜在够晒香甜，而且十几蚊，仲可以加多份水果添，令我呢一个午餐，够晒丰富呀。