部屋咖啡室

今日去咗广华医院探老人家，探完病之后就去登打士广场食cafe🤩餐厅位于登打士广场高层，分咗两间房，环境宁静舒适，仲有好多board game可以任玩😆餐牌有好多款意粉同埋Pizza可以选择，最抵一定系嗌呢啲套餐，有齐晒小食、意粉、pizza同埋饮品。意粉我哋嗌咗香辣虎虾海鲜意粉，微辣嘅蕃茄酱配上青口、鲜虾各种海鲜，惹味得来又唔会好滞，份量亦都唔少。至于pizza，我哋就嗌咗BBQ烤鸡蘑菇pizza， pizza属于薄批嘅类型，芝士做到拉丝嘅效果，但系略嫌个皮唔够脆。料都十分足够，每一块pizza都至少有一至两旧鸡肉😆餐厅最出名嘅就系炸蟹饼，外脆内软，配埋泰式酱汁，忍唔住一嚿接一嚿😆嘢饮方面叫咗两杯特饮，杨枝甘露出色，有劲量嘅芒果同西柚，配上椰奶，解渴一流。热水果茶都好出色，大大壶，起码有十几二十杯，水果味好浓，好饮过好多外面嘅茶饮店。下次会试埋其他款嘅pizza同意粉😆