HeSheEat (白布街) (已結業)

话明系Girl talk，紧系揾一间旺中带静，坐得舒服又唔限时的食肆，HeSheEat正正合晒我哋心意。店舖颇大，内有不同组合的枱椅，可以少少哋两个人食，亦都可以一大班十几个人去食，唔错唔错。头盘叫了炸蘑菇酿鸡肉，估唔到蘑菇都可以炸，炸过的蘑菇非常香脆而且唔油腻，出面脆入面就依然Juicy，配上黑松露蛋黄酱，唔错唔错；而且还配有少量沙律菜，感觉平衡。烧美国牛肉胡麻酱沙律，烧过的牛肉软绵绵，又滑又有牛味；而且还配有少量沙律菜，是不错的头盘。主菜叫了海鲜意大利饭，海鲜有青口、大虾、带子及鱿鱼，海鲜火候煮得刚刚好，令海鲜又滑又Juicy；意大利饭粒粒分明，软坚适中，而且粒粒挂上番茄汤，推介。春鸡黑松露意大利饭，鸡有两大件，鸡腌得入味，鸡脾肉嫩滑；意大利饭粒粒分明，软坚适中，黑松露酱分量很多，粒粒饭都充满黑松露酱，正。依度最好的就系头盘主菜出品唔错，而且甜品都出名，咁就唔驶食到一半转场。蓝苺芝士蛋糕的芝士松软浓郁，配上滑滑的蓝苺泡抹，唔错。云尼拿士多啤梨奶冻，士多啤梨雪糕该是雪芭，好fresh；奶冻满满云尼拿籽，滑滑的，亦都唔会太甜，正。