Victoria Restaurant

营业中

休息中

今日同好姊妹去行花园街同埋花墟，经过附近睇吓有啲咩食啦，就揾到呢一间响花园街嘅西餐厅，门口摆咗个餐牌见到啲价钱都OK就入去试吓啦！佢哋有唔同嘅Set dinner，可以拣意粉或者系扒类𠮶啲，姊妹就叫咗烤纽西兰草饲羊扒，而我就叫咗烤美国黑安格斯西冷牛扒，佢哋所有嘅主菜都配餐汤同埋可以另外半价加餐饮，我哋两个都叫咗杯冻柚子蜜。（$14）我哋嗌咗一个罗宋汤，同埋一个忌廉汤，个汤碗好细个好得意，配上一块脆嘅蒜蓉包，忌廉汤系黑松露什菌汤味道浓郁，罗宋汤唔会好酸几好饮。纽西兰羊扒（$148）有三旧咁多配上黑椒汁同埋薯菜，七成熟嘅羊架个size都几大嚿配上香草调味啱啱好， 唔会有好羊嘅臊味。另外𠮶个西冷牛扒（$158）好有肉味亦都好厚切份量啱啱好，配上意粉加黑椒汁，而且生熟程度啱啱好，配埋甜甜地嘅柚子蜜做结尾。呢度坐得好舒服，应该主要系做街坊生意，百零蚊有交易份量同味道都唔差，加上餐厅播d柔和音乐好适合情侣或者闺蜜嚟倾偈食饭 。