Victoria Restaurant

营业中

休息中

今日經過見餐廳門口長時間排隊，已非午餐繁忙時間，於是就考慮排隊一試。餐廳有lunch set，食物味道可以，份量不算大，小朋友都可以自己吃完一整個餐。惟獨部份waitress服務態度欠佳 - 我哋反映凍朱古力無味要求waitress俾糖水，其實都好正常。但係對方反駁朱古力本身有甜味⋯我哋當然知道如果份量沖得啱係有甜味，依家就係試完認為無味先想再加糖水解決！結果⋯糖水俾了，不過waitresss一直黑面，兼且埋單時仲將帳單飛向我哋檯上。只可以話呢種服務態度真係未必有下次。

收工後，我到花園街的排檔逛逛，去買風扇仔送比朋友。逛完後，便來到這間質素不錯的西餐小店享用下午茶。平時我都會點牛扒，但今天決定嘗試未曾試過的H煎雞扒，結果真是意外驚喜！這雞扒厚身，煎得恰到好處，外皮微脆，肉質鮮嫩，完全沒有雪味，讓人感到非常滿足。意粉的味道也一如既往地好，保持了高水準。大約二十分鐘就把所有菜肴清盤，真是快手又好味。另外，我還加了15元點了一杯特飲，檸檬熱情果，正好適合這種天氣，喝起來爽口透心涼。整體來說，這次的下午茶體驗非常愉快，未來一定會再來嘗試其他菜式！

見餐廳大量好評，一家四口於假期吃個午餐。其中叫了4個午餐，包括南瓜海鮮意大利飯及菠菜鮮蝦長通粉。這兩個餐味道極淡，近乎無味（平日本人在家已吃得非常清淡），飯並沒有南瓜味，只用蛋來調色至黃色。至於意粉，也完全沒味道，感覺是廚師忘記調味，我們落大量芝士粉才感受到少許鹹味。雖然午餐賣相非常ok, 但味道卻欠奉。我們用餐後加了錢飲特飲（每杯加18元），但只飲了3分1， 店員便突告知只剩5分鐘用餐時間，我們從頭到尾也沒有被告知有限制用餐時間，否則肯定不會花錢在特飲上，因為根本沒有足夠時間給我們完成特飲。是次店內消費非常不愉快。

晚上到花園街覓食，見到呢間小店門面都浪漫的餐廳就入去一試，兩人叫咗兩個set，包括主食同湯：芝士焗大啡菇。紐西蘭草飼牛柳 $158：大啡菇為主，搭配了濃郁的芝士醬。菇的口感鮮嫩，芝士醬的味道濃郁，給予了整道菜品豐富的風味；可惜這次牛柳多筋的部分比較多，讓切割變得困難。而且因為欠缺肥，所以牛肉的味道不夠香。肉丸焗芝士肉醬長通粉 $85：這道菜的肉丸不厚實，吃起來不會硬崩崩，但缺乏多汁的口感。醬汁的味道不錯，但是通粉水份有點過多，調整成更乾身一點較好。整體而言，這道菜的味道還算不錯，但可以在質地上做一些改進。反而，羅宋湯非常美味。它不酸，足料和少許辣味。特別是搭配脆卜卜的蒜蓉飽，味道更加出色。另外，set dinner 唔包飲品，熱飲加$8，凍飲加 $13。

什少寫食評，中午在太子揾嘢食，想去的地方排長龍，行過依度有位便入去試下。服務的小妹妹似乎新做的，所以比較生手。叫了红燒汁肉眼牛扒，是一律九成熟，牛扒是港式醃製過，但被醃到十分咸，試食過但真係食唔到。如果有其他選擇，可以避開！

夜晚想食西餐，但覺得而家普遍都好貴，冇$200都唔可以食到一個餐？今次嚟到太子嘅去食一個餐，普遍$120已經有一個烤雞加埋餐湯，價錢實惠。我就食咗慢烤三文魚扒配黑松露汁加雜菜，三文魚扒未到唔算好濃，但仔細食係食得出有處理過有醃製過。🤩而黑松露汁唔會太聲剛剛好，黑松露味非常之濃。反而餐湯有驚喜🤩佢本身係一個忌廉湯，但食到有蜆肉等等嘅小海鮮喺裏面，非常之清新唔太黏立。總括而言，呢個晚餐對得住佢嘅價錢，係CP值極高嘅一個晚餐😎🤤附上價錢慢烤三文魚扒配黑松露汁加雜菜 $108以上價錢係晚餐價錢，包沙律 有服務費加一

今日食左肉眼扒配薯菜，CP值甚高，牛扒肉質同味道都幾好。午餐配有餐湯飲品。餐湯配有蒜蓉包。坐位舒適。美中不足係午飯時間人太多，要排隊等一陣🥲下次會再來☺️👍

新年同老婆行完花墟拎住盤花，見肚餓想搵野食，見到呢間幾有格調嘅餐廳，播嘅歌都係自己鐘意嘅歌，係Westlife同Disney，好chill。一入到去，staff好熱情問我哋洗唔洗幫我地保管住d花先，有個corner專門放花唔洗阻住我哋食野，已經覺得好好服務。叫左野食同飲品，唔洗好耐已經有得食，上餐速度都算幾快。因為本人食野偏慢，杯熱野都嘆到凍曬，職員好主動話不如幫我換過杯。野食唔錯，服務一流，可以再戰👍🏻

朋友極力推薦每個禮拜都行花墟買完花要坐低慢慢食服務員比我感覺好有禮貌及清楚我朋友食辣肉腸雞柳意粉我食焗豬扒意粉食物性價比高之前試過舊舖已經話要再試呢間舖二間都保持水準一定會再次幫襯

太子道這一帶餐廳不少，好像這間 Victoria Restaurant，以前我都有幫襯過。而這一晚，我就又再在這間西餐廳吃了一個還不錯的晚餐。兩口子叫來兩個晚餐，分甘同味。餐湯要了「精選忌廉餐湯」，湯中下了少許火腿茸，鹹得都幾好味，還有小塊烘多士伴湯吃。「香草醬燒牛肉欖油蒜香辣椒意大利粉」（$86）炒得不錯，意粉彈牙，香辣開胃，燒牛肉也夠味道，不過份量不多，只得幾件，就有點美中不足。「香烤西班牙黑毛豬鞍扒」（$128）的豬扒夠既厚身，又夠大件，肉質及格，不會嚡而難嚼，蘸點黑椒汁，伴以少許薯菜，也不錯。最後還加了 $20點了一件精選蛋糕。在「黑森林蛋糕」、「伯爵茶蛋糕」和「藍莓芝士蛋糕」三者中揀了兩夫妻都喜歡的「黑森林蛋糕」，可惜這蛋糕的水準平平，並不出色，就令我倆感到有點失望。不過總的來說，撇除最後令人失望的蛋糕，這天的晚餐我覺得還是不錯的。

🐮𝕍𝕚𝕔𝕥𝕠𝕣𝕚𝕒 ℝ𝕖𝕤𝕥𝕒𝕦𝕣𝕒𝕟𝕥🐮🐮#hkbeeflover_西餐廳🐮#hkbeeflover_太子• • • 太子有兩家Victoria Restaurant 今次我試的是花園街那家 下大雨但也有很多人排隊門口有遮架非常貼心 #態度比味道重要店員禮貌很好下單後跟我說多謝也會不時看看我有沒有其他需要🐮🐮評價🐮🐮上菜速度很快 下單後兩分鐘內便有湯及蒜蓉包烤紐西蘭穀飼肉眼扒 - 黑椒汁 $85 Grilled New Zealand Grain Fed Ribeye Steak $85 已包湯、蒜蓉包、熱飲及肉眼扒可選配飯/意粉/薯菜肉眼口感軟腍肉眼的肉味本來就較西冷淡整體上也不錯薯角熱辣辣 幾厚切問店員攞茄汁點 處理有效率翠玉瓜明顯炒過 輕微蒜香（因其他快餐多數只是用水煮過）$85 食個扒嘅快餐套餐非常滿意 環境明顯有精心裝修過 衛生良好背景播住英文歌工作後都可以休閒一下🐮肉眼小知識🐮肉眼為所有牛扒中最受歡迎的部位是牛胸背脊與肋骨之間的肌肉肉質較幼滑🐮滿分為5個emoji🐮評分也以性價比作衡量軟腍：🐮🐮🐮🐮• • •🐮女友總評分 （以性價比作衡量）🤎🤎🤎🤎🐮 Victoria R

見全部食評都讚，襯出開太子選定呢間午餐，食評如下：1. 白湯附蒜蓉包--白湯ok，蒜蓉包唔脆，我見隔離台係把蒜蓉包直接點落湯度食，可能會好d2. 紐西蘭穀飼牛扒加薯菜--我選黑椒汁唔會咸，好味道，但牛扒少d肥膏會好d3. 熱柚子蜜--唔會太甜，味道剛好，其實冇咩特別，但佢哋用咗好靚嘅杯碟，感覺即刻高級咗！4. 芒果芝士蛋糕--食完正餐覺得仲可以食，就加$20叫個甜品，芝士唔太濃，啱我！餐廳樓底高，所以坐低食嘢傾偈會好舒服，唔會覺得局促。

酷熱端午節下午入到去餐廳見到得2個待應以為會好亂啦，但由於行到好熱門口見到餐牌又唔係太貴所以都照坐低。出奇地好快有人幫我哋落單，叫左2個set lunch，有湯有主食有飲品一次過落單，飲品都無要求後上，但好神奇先來左個湯飲完之後先上主食，食完主食先上飲品好有次序，好似望住我哋食完先上咁。唔會一次過上到成檯嘢！湯係一般，但我食牛肋好有牛味又軟硬適中，意粉鹹度剛剛好又一條條好分明。飲品凍咖啡，咖啡無比冰沖淡。很好的體驗，$68個set又無加一真係唔錯。

已經光顧過好多次每一次都會有態度友善的staff去serve 無論後生仔女，定係有經驗的都感受到不只是打份工而是有心去做有禮貌且不區小節例如唔會催你落單又例如就算人多都唔會因為咁而變態度差，或好急咁顧客有要求會盡量滿足唔會話 「等等先啦」另外亦好主動去收碟唔會話要你放到成枱都係野都未過來鋪面見到的就算係後生仔都唔會係得閒玩電話反而好主動巡鋪💪🏻💪🏻💪🏻💪🏻🥺食物質素高已是old news 見以上食評人都有講不過人的質素也是全街最高多謝你地🙏🏻🙏🏻🙏🏻🙏🏻

西餐廳黎講呢間價錢相當親民Lunch set牛扒餐都只係$85，凍飲+$3，另收加一服務費叫左一杯凍檸茶，糖水係另上，咁樣自己鍾意加幾多都得喇👍🏻有紅白餐湯可以揀我揀左羅宋湯，佢係全素既，味道好濃郁，不過偏咸，牛油蒜蓉包好靭，已經唔脆主菜方面揀左牛扒配薯菜牛扒份量偏細，係醃製咗嘅牛扒味道有啲似係醃肉舖賣黎去BBQ燒個個味由於醃過，所以唔會柴同韌總括嚟講： 唔知係咪咁岩我個份特別細？食完都唔覺得飽，男士應該更加唔夠食味道方面都ok既，佢已經唔係用新鮮牛扒，所以如果份量多D就好喇，如果唔係我覺得成$100食個lunch又唔飽就爭啲囉，起碼食其他會更好