Shine (已結業)

太子集团大厦有好多好野食，成日嚟呢度揾食，今日咁啱又想食吓西餐，就揾到呢间餐厅。Main course选择都唔少，有羊有猪有牛有龙虾、另外又有Pasta、Risotto、前菜、小食同甜品。等左一阵，三重芝士薯条上桌，同出面餐厅嘅芝士薯条唔同，唔系成挞芝士放喺面，反而佢系有少少溶溶地溶入左薯条入面咁，以为好淋，点知又唔算，芝士味好浓，薯仔味亦重，食到停唔到🤣之后就系黄金手工蟹饼配秘制酸辣酱。个蟹饼都几高身，以为好多炸粉，点知一切开系劲多蟹肉，外脆内软。而且搭配埋佢嘅秘制酸辣酱，又真系好衬好开胃，十分推荐！然后到黑松露软壳蟹意粉。好钟意啲食物样样都热辣辣，感觉唔系整定哂咁。黑松露好香，意粉唔会煮到过熟，口感刚刚好。软壳蟹size都唔细，炸得香脆又可口！最后就系脆炸咸猪手配蜜糖芥末酱，呢个算系等得比较耐，不过食完又真系觉得值得等。我食过好几间德国猪手，一系就系啲肉太靭，一系个皮脆到硬，但呢个猪手整得好出色。佢啲肉唔靭，啲皮虽然用刀切唔开，但用牙系咬得开，脆卜卜咁，好好味！食完饱到上心口🤣间餐厅样样都好食，而且员工嘅服务态度亦都好好，会主动同有礼貌地斟水、收碟，我要俾个👍🏻👍🏻啲员工！