摩豆

营业中

休息中

喺旺角等朋友食饭期间有啲肚饿，经过旺角中心就睇吓有冇啲扫街嘢食可以买嚟顶一顶肚先。见到2楼有一间小食店有鸡蛋仔同格仔饼，而且鸡蛋仔有几款口味例如伯爵茶斑斓，凤梨味等等，今次就试吓斑斓味先。落单嘅时候店员问需唔需要加麻糬，只需要加$6就每粒鸡蛋仔入边都有麻糬，加埋麻糬就一共$30，我就好钟意食烟韧食物所以就加咗麻糬。落咗单之后大约等咗10分钟就有得食，新鲜食都几趣，入边麻糬口感都唔错，不过我就略嫌斑斓味唔算好重，以今日嘅物价嚟讲， $30一底有味道嘅鸡蛋仔包埋麻糬都算系咁嘅。