令和居酒屋

营业中

休息中

旺角真系超级多餐厅，要喺芸芸餐厅中突围而出，真系唔系一件容易嘅事。呢间餐厅就用咗一个出众嘅外观去吸引人，喺街度行过好容易俾佢吸引到目光。我就系俾佢嘅外观吸引咗入去食晚饭，入到去之后嘅环境都好日式，因为时间比较早，人都唔系好多，所以坐得都几舒适。四色刺身盘三文鱼、吞拿鱼、赤虾、帆立贝。最出色都系赤虾，冇雪藏味道，亦都好大只。第二只系帆立贝，虽然细细只，但系都好鲜甜。北海道鱿鱼一夜干鱿鱼好惹味，配上沙律酱系绝配。而且烧得啱啱好，唔会好干好难咬。令和玉子烧厚厚嘅玉子烧，除咗有鸡蛋嘅味道，仲有轻微嘅甜味，而且佢嘅温度啱啱好，入口时仲热辣辣。堂煮寿喜烧-M6澳洲和牛200g嘅和牛份量真系足够，望落去虽然油花唔系好靓，但系食落口一啲都唔韧，而且仲好有牛味。寿喜烧汤底一开始淡淡地，但系煮晒所有嘢食之后，浓郁嘅香味即刻浮现出嚟，忍唔住饮晒全部汤。寿喜烧锅蔬菜嘅份量都唔少，吸咗浓郁嘅汤更加美味。菠萝乳酸梳打+荔枝乳酸梳打两杯饮品冰冰冻冻，果香味唔会太过人工添加剂。而且佢嘅乳酸味好浓郁，梳打都好够气。总括呢间餐厅都唔错！！而家天气开始凉，食个寿喜烧暖笠笠都系一个唔错嘅选择。下次再食可以试吓佢个牡蛎锅。