和味館 (已結業)

世界杯果时嚟都旺，不过都无旺成咁，而家直得旺到要等成30分钟先有位。个场爆哂，见当中有啲吉枱，阿姐话全部有人订咗，我哋无BOOK 位，唯有一个字，就系等。等嘅期间见到人哋成枱菜，恨到流哂口水，饿多两钱重，到差唔多有位时，我叫定阿姐落定单，首先嚟个水佬华蒸咸鲜，阿姐话日日都唔同，今次有靓英仓，正到晕﹗英仓够大条，肉嫩无骨，鱼油丰富，兼啖啖肉，我本身系鱼痴，最后连条背骨都唔放过，一于照咬，啜埋骨髓，鲜味到死。 跟住肥老板挺著大肚子走出来，兴奋说有新嘢出，就系海底狗窝，做法话系借用咗客家炆狗肉嘅方法，而鱼系大鱼仔，即系乜嘢鱼，就唔多清楚，只知肥老板话条鱼十几斤重，面家只系用个成两斤重嘅鱼头加南乳、姜、葱兼秘密武器嚟炆，见佢咁瞓身推介，又只管试吓。哗﹗我未食过狗肉，唔知质感味道系乜东东，但系呢味海底狗就真系几鬼正，啲鱼皮起胶兼弹口，仲厚到像食花胶咁，炆得又够入味，头先等30分钟嘅不愉快，全部蒸发哂。最后连汁都捞埋，一碗白饭报销肚内。本来想食埋冻鱼皮，但系真系太饱喇，唯有下次再试。最后叫碟上汤菜心，条条心指尾咁长，嫩到痺﹗好食。值得一赞系菜心中加咗草菇片同大头菜丝，呢啲系古早味，啱