Cafe Corridor (已結業)

出到港岛区，要揾嘢食选择真系多到爆！要揾cafe 一条街都数到有几间。但想试新嘢之余又可以番食嘅有几多？无他嘅，cafe 嘢食系紧要，但个环境同feel 都几值钱呢。今日揾到间其实都多人去嘅cafe corridor，对正Times 对面，一楝嘢嘅入面(唔知算唔算楼梯底)，畀到一个好warm 嘅屋企feel 出嚟。好彩，入去果时咁啱冇咩人，唔洗等直入。坐低，冇menu，全部写系黑板度，够环境，赞！入面都有一定数量外国人，成间嘢都几外国化，但木造家私令个感觉几舒服，听歌同朋友吹水一流。入到嚟，试吓佢个all day breakfast，份量唔系大，沙律，肠，炒蛋，落咗Black vinegar 嘅包同最正嘅三眼仔薯饼。虽然份量唔系好巨，但佢个三眼仔真系抢镜！呢度有得叫Latte macchiato，仲有ET 女拉花。佢啲咖啡唔错，够香同浓，同个milk foam 都系好滑。个latte art 杯杯唔同，有心机。叹咗几啖咖啡，见到有字，又系自家杯，感觉良好，暗自将杯咖啡加分！总结系，推介大家行CWB 攰攰地可以入去饮杯正咖啡，最好系几个朋友，倾计的确系一个好地方。就算唔坐低，忽然想饮杯咖