麵尊

营业中

休息中

喺南区食到闷闷哋，今日午餐就去远啲，出咗铜锣湾觅食。始终都系旺区，选择多好多，出咗香港仔隧道之后，又要方便搭车返去，去登龙街就fit晒。登龙街餐厅多选择多，但同时间人都好多，同事咁啱想食车仔面，于是就拣咗呢间面尊，但去到排队前面都起码有十个人等紧，大概五六张台左右，等位期间就填咗点餐纸先，都系一般车仔面嘅𩠌，无话有啲咩特别嘅𩠌。大概等咗10-15分钟先有位，坐低之后都要再等多5-10分钟先有得食。碗面一嚟到似模似样，啲汤底色水同埋啲𩠌都好靓，但食落啲𩠌唔系太入味，已经叫咗猪皮猪肠呢啲好索汤嘅𩠌，咖哩鱿鱼都还可以，腩汁汤底味唔系差，但啲嘢都唔系太入味，系朋友份冬菇好少少。整体来讲，食物质素唔差，如果索味啲就好。呢个价喺铜锣湾嚟讲都算平，但下次又要排咁耐先食到我就不了。