糖佰府 (已結業)

0系九龙城食糖水，心入面都系果几个选择。点知今日行行下，竟然比我发现另一间唔多起眼既小店。我同朋友仔都比店入面特别既环境吸引左入去，店内既格调好清新好缤纷。墙都系以鲜色为主，贴满左好多甜品既相片。我地坐低后一睇餐牌，价钱令我地好惊喜。虽然座落旺区，但价钱系小区街坊价，而且选择唔少。我地四个人，但系叫左五样野食，每人一碗加一个绵花冰。《法式炖蛋》我唔想食冻野，拣左法式炖蛋。上枱时热辣辣，好香！轻轻笃落去，面头有少少焦糖，烧得好脆好成功。试一啖炖蛋，好滑好creamy，口感一流。味道方面，有好香浓既蛋香，少少甜，仲有少少香油味，味道丰富有层次。《椰汁冰红豆芋圆西米》啊妹不嬲钟意食芋圆，去亲台湾都食唔停。香港唔多地方有得食芋圆，佢一见到就好开心喇。呢度既芋圆好足料，有好多唔同既配料，一d都唔单一。试左一啖，芋圆好Q弹，西米爽滑，最特别系佢地配左少量椰汁冰，令到口感又多左一个层次。《番石榴绵花冰》绵花冰冰凉软绵绵，但一定要快食，溶左又唔好食喇。番石榴味道突出，配料足，钟意食冰野既话，算系唔错既选择。整体黎讲，选择多，用料足，味道唔错，价钱非常相宜。服务环境都令人觉得舒服，值得一去。