河內越式料理 (西洋菜南街)

营业中

休息中

今日系旺角经过呢间越南餐厅，见到入面坐满人咁济，好旺场，就谂住入去试下。- 安南鲜虾米纸卷米纸外皮烟韧，包住蔬菜好爽口，虾肉新鲜弹牙，层次极丰富。- 生牛肉汤河粉好大碗，份量都几多。汤底清甜，额外比青柠檬同埋辣椒加落去，味道会更加丰富。生牛肉浸落汤之后食真系岩岩好，口感好嫩滑。- 滨海伴猪颈肉串烧滨海唔系间间越南餐厅都有，今次系第一次食，就咁睇个名真系唔知咩黎嘅。食落质感似米粉，但比较弹力，加上少许香葱炸蒜，几特别。猪颈肉串烧有3串，烧得很香口，爽口弹牙。- 街头香叶卷捞檬香叶卷由香叶包裹牛肉碎去烧，味道非常独特，肉质柔软，多肉汁，香叶的香气和味道非常浓郁，香叶的香脆程肉碎嘅柔软增添口感层次。檬粉份量都唔少，加上鱼露甜酸汁，酸酸甜甜而不失鱼露咸鲜味，非常开胃。- 上汤灼田园蔬加配$20,非常抵，好大碟！- 热蜜糖柑桔饮品就加$5, 非常清新，好润喉。