泰屋

营业中

休息中

今日又去左726去食野，今日拣左间泰菜。呢间泰菜位于２楼，因为太多人等lift，所以我决定行楼梯，不过我唔建议大家行上去，条楼梯劲臭。妈妈叫左佢最爱既椰青，而我叫左椰汁红豆冰。椰青好清甜，妈妈超赞。红豆冰好香椰汁味，不过红豆就麻麻。当椰汁冰咁饮都好好味。第一个到既系马拉盏炒通菜，通菜鲜嫩可口。味道比一般既马拉盏炒通菜辣，如果比较怕辣既人未必食到。不过我喜欢食辣，所以我会觉得十分惹味。然后有炭烧扇贝，原本我好期待的。可惜扇贝上舖满了我讨厌的姜，系劲多姜（初初仲以为系蒜）。扇贝味道普通，无乜鲜甜味。爸爸最爱的冬阴公，味道不错，有不少既海鲜，唯不够新鲜。咖哩牛尾都几好，牛尾炆得好腍又唔膻。呢个油酥饼点咖哩超好味，不过就油左少少。芝士烤包我本身好期待，但系最后好失望，芝士包完全食唔到有芝士味。不过个包本身都唔差既。最后有最好味既原个菠萝海鲜炒饭，卖相吸引不在话下，食落都好赞架。有好多海鲜而且都算鲜，饭唔会太硬又唔会太腍。成个配搭得好好。整体而言，如果要系旺角食泰菜，呢间都系一个唔错既选择，因为环境都几好，岩哂同一班亲戚朋友饭聚。