喜來稀肉 (已結業)

话说今日小弟同女友出左旺角行下， 呢期疫情缓和市面正常返条街都好多人， 旺角终于旺返啦。 咁我两口子行到攰就去左广华街揾野食， 女友人见到呢度有喜来稀㖞， 系之前尖沙咀食过𠮶间， 咁既然系熟悉既味道我地就入去医肚啦。。佢地间旺角分店装横大至同尖沙咀相同，反而室内冷气无尖沙咀店咁焗束。野食我地叫左一份喜来烤肉，牛肉眼扒，蟹籽紫菜饭团同埋一个雪浓汤。 味道方面我觉得旺角分店好似好d, 可能因为呢度冷气够，食野体验感觉好d.. 个喜来烤肉d肉汁浸得好入味令d牛肉好松化juicy. 食落口好有酱油牛肉既浓厚口感。 个牛肉眼就厚度刚好， 摆落去烤好快熟同肉质都几好， 就算烧得较熟都好有咬口同埋落些许盐就已经可以带出鲜味。 个蟹籽紫菜饭团就发现旺角分店系无加沙律酱， 都好既因为食落无咁漏。 最后饮埋换雪浓汤就真系大满足啦， 女友人话雪浓汤系佢系韩国旅行饮过既𠮶只牛肉汤味。 好正！。。