影片
更多
2023-11-15
242 浏览
檬茶茶手打柠檬茶 Cha Cha Lemon Tea📍旺角登打士街53号4B号舖唔知大家有无发现近排旺区都开多咗饮品店呢？既唔系卖珍珠鲜奶，又唔系卖芋泥乜乜，而系卖手打柠檬茶。呢啲饮品店同以往好兴嘅台式手摇店唔同，佢哋主打系人手制作嘅鲜柠檬茶，开到成行成市，好似旺角呢啲年轻人聚脚店，更加系行十分钟左右就见一间。今次我带住我家长老同阿妹，喺周六傍晚行街，未系好肚饿但又想食下轻食饮下嘢，于是就行去时常排长龙嘅肥姐小食店睇下有咩好嘢。屋企人喺等嘅途中，被呢间全间黄色装修嘅手打柠檬茶店吸引，仲一气拣咗三杯饮品添！估唔到就系咁，我就被动地跟咗风，试到依家人气爆灯嘅手打柠檬茶。店员介绍，话有狮子头公仔嘅就系较受欢迎嘅饮品，所以我哋都喺手打柠檬茶系列内拣咗三款推介饮品，每杯都各有特色，相信能迎合大众唔同嘅口味。 💰$31四季春手打柠檬茶 🍋第一杯要分享嘅就系以四季春为茶底冲嘅手打柠檬茶，四季春茶味清香不带苦涩，同清新嘅鲜柠檬味道好夹，选择半糖就刚刚好可以中和返微酸嘅柠檬，系一refreshing之选！ 💰$31鸭屎香手打柠檬茶 🍋如果钟意茶味较浓嘅朋友，不妨试下呢杯以鸭屎香为茶底冲嘅手打柠檬茶。鸭屎
📍旺角登打士街53号4B号舖
唔知大家有无发现近排旺区都开多咗饮品店呢？既唔系卖珍珠鲜奶，又唔系卖芋泥乜乜，而系卖手打柠檬茶。呢啲饮品店同以往好兴嘅台式手摇店唔同，佢哋主打系人手制作嘅鲜柠檬茶，开到成行成市，好似旺角呢啲年轻人聚脚店，更加系行十分钟左右就见一间。
今次我带住我家长老同阿妹，喺周六傍晚行街，未系好肚饿但又想食下轻食饮下嘢，于是就行去时常排长龙嘅肥姐小食店睇下有咩好嘢。屋企人喺等嘅途中，被呢间全间黄色装修嘅手打柠檬茶店吸引，仲一气拣咗三杯饮品添！估唔到就系咁，我就被动地跟咗风，试到依家人气爆灯嘅手打柠檬茶。
店员介绍，话有狮子头公仔嘅就系较受欢迎嘅饮品，所以我哋都喺手打柠檬茶系列内拣咗三款推介饮品，每杯都各有特色，相信能迎合大众唔同嘅口味。
[价钱 Price]
💰$31
四季春手打柠檬茶 🍋
第一杯要分享嘅就系以四季春为茶底冲嘅手打柠檬茶，四季春茶味清香不带苦涩，同清新嘅鲜柠檬味道好夹，选择半糖就刚刚好可以中和返微酸嘅柠檬，系一refreshing之选！
[价钱 Price]
💰$31
鸭屎香手打柠檬茶 🍋
如果钟意茶味较浓嘅朋友，不妨试下呢杯以鸭屎香为茶底冲嘅手打柠檬茶。鸭屎香系经半发酵嘅乌龙茶，比一般嘅乌龙茶较淡，但仍散发乌龙嘅茶香。早喺2018年喺中国大陆就有人以鸭屎香冲手打柠檬茶，因为咁而令呢种茶变得非常受欢迎。三杯入面我最喜欢呢杯，唔单止能够食新鲜柠檬嘅果肉，亦饮到较香醇嘅茶味，合晒我呢啲爱茶之人嘅口味。
[价钱 Price]
💰$31
超级渣男柠檬茶 🍋
最后一杯就系无论颜色定名称都咁奇特嘅饮品—超级渣男柠檬茶！佢嘅颜色呈青柠绿色，味道非常特别，入口会有少少薄荷清凉感，后劲会有柠檬香味。见到杯咁搞鬼嘅饮品，我都忍唔住问下店员到底呢杯系咩家伙。原来佢嘅特色系在于用咗泰式茶叶同香料冲调，包括有香茅等嘅浓味香料，令佢颜色同味道都变得特别，唔会只有茶味同柠檬味咁单一。如果钟意独一无二，同想试下泰式手打柠檬茶嘅朋友，就定必要试下呢杯叫超级渣男嘅柠檬茶啦！
总括嚟讲，我认为手打柠檬茶比港式茶记柠檬茶来得清新健康，即使饮晒整杯，口中亦无半点苦涩，甜度适中更加唔会令你饮完要饮返啲水𠺘口。加上可以即场睇住店员卖力手打柠檬冲调饮品，难怪近排会得到众人青睐啦！
张贴
