劉興記生煎包專門店

营业中

休息中

旺角哩间铺头常年都要排长龙，基本都系附近街坊帮衬。豆浆，系自家制作，比便利店豆浆要浓郁好多，同埋落咗少少糖，饮落唔会好甜。蟹皇生煎包，生煎包即叫即制，送上来全部都热笠笠。哩间铺头生煎包整得好出色，皮薄又脆，唔会觉得好油。内里肉鲜蟹皇多，汁水都流晒出来，真系超好味。秘制上海炸排骨，估唔到分量都几大。排骨预先腌制过，再落油炸，唔洗点酱已经好够味。同韩式炸鸡唔同，排骨唔会特别酥脆，面衣相对会厚身同埋紧实，好正嘅上海做法。鸡丝酸辣汤，配料好丰富，有鸡丝，豆腐，笋丝等，酸辣汤浓郁，每一啖配料都挂满汤汁，相当惹味。百步香葱油饼，落咗大量小葱同猪油制作，饼皮起酥做得好好，食落好酥脆，内里馅料丰富，超好味。