一生懸麵

营业中

休息中

原本老公话要同我呢位‘’前妻‘’去位于旺角通菜街嘅一生悬面拎collar 嘅应缓物品😑，点知派晒啦，反正都嚟到啦，就照试下啦，见到门口咁多人排队，应该都唔错。 呢间餐厅最出名系食沾面🍜，我都好耐无食过沾面啦。佢有4款沾面：特浓豚骨沾面、辛辣沾面、鱼介豚骨沾面、海老沾面同埋1款期间限定牡蛎沾面。 最后我拣咗个特浓豚骨沾面，可以喺餐纸拣番想食嘅面硬度。大家亦都可以按照自己喜好拣唔要葱，唔要笋。个汤好浓郁豚骨香味，但又唔会太咸，汤入面仲有角煮豚肉，更有口感。面上仲有两块叉烧🐖，真系要介绍下呢块叉烧，肥瘦适中，烧香咗嘅叉烧入口即溶，非常好味！减心蛋亦够流心😋 老公就拣咗海老沾面，好多樱花虾🦐，个汤好鲜甜，啲面放落去每一啖都沾满樱花虾。 鸡软骨棒鸡肉及鸡软骨嘅比例恰到好处，香脆嘅外皮加上鸡软骨香气和咬口，非常美味！  唐扬炸鸡炸得金黄香脆，食落有烫口感，咬落去亦好juicy。