影片
更多
2023-10-21
149 浏览
第三站 Station 3 Cafe📍旺角洗衣街39号金鸡广场25楼08-09室呢晚我又同朋友去咗睇玩具开仓，今次总算执到宝，买到两件心头好。睇完玩具又系时候食晚餐，行到麦花臣球场附近，醒起年几两年前食过一间楼上cafe，有唔错嘅饮品同board game玩，而且过咗咁耐都仲喺OpenRice上人气高企，所以就同朋友碰下运气，睇下walk in有无位。好好彩，今晚即使好full，等咗一阵就有得食。总括而言，呢度嘅嘢食同气氛都好合年轻人嘅口味，系聚首一堂嘅好地方。 💰$106卡邦尼烟肉杂菌意粉 🍝晚市有套餐8款选择，我几乎谂都唔洗谂就知自己想食carbonara，因为我系唔太钟意食红酱嘅，而且白酱一般都比较creamy浓味，更合我口味。呢碟carbonara卖相唔算特别，但佢嘅白酱好香浓幼滑，意粉唔会煮到淋晒，加埋洋葱丝、烟肉同杂菌，一啖接一啖，不知不觉就食晒！ 💰$128黑松露带子鲜菌烩意大利饭 🍛朋友同我煮系黑松露fans，而且大家都钟意食带子，所以佢拣咗呢个我哋都会钟意嘅main。虽然睇落颜色唔算鲜艳，以为会好淡口，但估唔到佢黑松露味都几香，个酱都好浓郁。Risotto煮得恰恰好，
📍旺角洗衣街39号金鸡广场25楼08-09室
呢晚我又同朋友去咗睇玩具开仓，今次总算执到宝，买到两件心头好。睇完玩具又系时候食晚餐，行到麦花臣球场附近，醒起年几两年前食过一间楼上cafe，有唔错嘅饮品同board game玩，而且过咗咁耐都仲喺OpenRice上人气高企，所以就同朋友碰下运气，睇下walk in有无位。好好彩，今晚即使好full，等咗一阵就有得食。总括而言，呢度嘅嘢食同气氛都好合年轻人嘅口味，系聚首一堂嘅好地方。
[价钱 Price]
💰$106
卡邦尼烟肉杂菌意粉 🍝
晚市有套餐8款选择，我几乎谂都唔洗谂就知自己想食carbonara，因为我系唔太钟意食红酱嘅，而且白酱一般都比较creamy浓味，更合我口味。呢碟carbonara卖相唔算特别，但佢嘅白酱好香浓幼滑，意粉唔会煮到淋晒，加埋洋葱丝、烟肉同杂菌，一啖接一啖，不知不觉就食晒！
[价钱 Price]
💰$128
黑松露带子鲜菌烩意大利饭 🍛
朋友同我煮系黑松露fans，而且大家都钟意食带子，所以佢拣咗呢个我哋都会钟意嘅main。虽然睇落颜色唔算鲜艳，以为会好淡口，但估唔到佢黑松露味都几香，个酱都好浓郁。Risotto煮得恰恰好，饭粒唔会过硬过淋。至于带子就唔系大大一粒嘅，而系好多粒细细粒带子，差唔多每啖都食到带子。
[价钱 Price]
💰$56
士多啤梨奶昔 🍓🥛 (跟餐 +$18)
饮品方面，本身套餐系包一杯$38嘅饮品嘅，但非常爱饮奶嘅我加钱叫咗杯strawberry milkshake，佢嘅奶味都好出，士多啤梨味偏甜，加埋满满嘅cream，真系邪恶非常！
[价钱 Price]
💰$58
Oreo曲奇奶昔 🍪🥛 (跟餐 +$20)
至于朋友呢，都系饮milkshake，口味就拣咗Oreo曲奇。佢杯milkshake曲奇量好足，饮到一半见到啲曲奇碎多到似沙，虽然要补$20差价先饮到，但个人认为几抵饮。
[价钱 Price]
💰$38 (套餐加配价)
田园沙律 🥗
套餐包咗沙律同蛋糕，沙律菜无我最讨厌嘅火箭菜，而且淋上满满嘅胡麻酱，唔太钟意食沙律嘅我都可以自己一个食晒一碗！
朱古力芝士蛋糕 🍫🍰
加配嘅蛋糕有三款口味选择，我拣咗chocolate cheesecake，芝士味唔重，朱古力mousse同蛋糕相间，口感不俗。
纽约芝士蛋糕 🧀🍰
朋友就拣咗New York cheesecake，平时好少食甜品嘅佢表示味道几好，蛋糕整体偏硬身，但芝士味好出，最后我又被我嘅细胃打败，朋友一人独自食咗件几蛋糕，哈哈！
张贴
