阿久根和牛拉麵屋

营业中

休息中

喺旺角呢条后街原来有间人龙排队拉面店，平日未够七点已经大排长龙，呢间拉面店主打沾面，有唔同嘅汤底同埋肉类选择。招牌三色沾面（豚肉，鸡肉及A4和牛） $148招牌三色沾面咩配料都有啲，一次过满足晒几个愿望，猪腩卷个酱汁好香，鸡肉系经过慢煮，而和牛入口软腍，肉味香浓，呢款就拣咗浓厚味噌虾汤，虾味好重，粗身嘅面条好挂汤，食耐咗觉得太咸仲可以加汤调整味道，而糖心蛋煮得啱啱好，都几入味。烧牛肩胛（拉面） $102以烧牛肩胛作为配料嘅拉面比较少见，牛肩胛烧至半熟，都食得出肉味，呢款拣咗黑蒜浓汤，啱啲比较重口味嘅人士，面条方面就系幼身嘅曲面，份量都几多。冲绳苦瓜饺子 $48第一见苦瓜饺子，入面有啲苦瓜碎，感觉冇咁油腻，而且冇想像中咁苦。