平昌

营业中

休息中

好耐之前听过平昌，不过等到而家先嚟食！佢有三个set嘅，我哋就拣咗中间𠮶个set B世子set一嚟到店员已经劲快手帮我哋倒咗啲蛋落侧边，同埋前菜都即刻上！然后我哋就自己scan QR code落单就可以啦！叫咗好多唔同部位嘅猪肉同埋牛肉，我最欣赏嘅就系佢哋嘅五花腩，佢哋嘅五花腩有分厚切同埋薄切厚切𠮶只真系好正！烧到两面脆脆地，入口肥瘦均匀，加埋啲菜同埋泡菜食简直就系一流因为厚切呢只系冇调味嘅，所以我个人比较钟意加泡菜食，呢度嘅泡菜好好食，够味得犂又唔会太辣除咗肉类之外，呢个套餐仲包咗海鲜，啲蚝同带子睇落都唔错！所以我哋就叫咗一round啲蚝上嚟嘅时候连埋柠檬，差啲以为佢系生蚝，好在问一问店员🤣另外佢仲有熟食，呢个系牛骨汤个牛骨汤好好饮，完全唔系𠮶啲味精汤，饮完冇觉得口渴！入边仲有三旧牛仔骨嘢饮同埋甜品就系自助嘅，出边有几个雪柜可以俾我哋自己攞韩烧配啤酒简直就系一流，套餐入面包埋啤酒，如果想要烧酒就要加钱