鍋霸吃到飽台式養生火鍋 (創興廣場)

营业中

休息中

呢间锅霸之前食过一次已经觉得又抵又几好食，今次适逢开幕5周年就试下佢地个自主吃到饱火锅套餐。 🌟吃到饱养生火锅套餐 $273/120分钟🌟第一级配以Prime grade 牛肩胛肉及西班牙无激素猪肉片，牛肩胛肉脂肪及肉比例平均，牛肉味浓郁而且肥瘦适中，有点嚼劲，食完一块再一块。汤底有非常多选择，呢次就拣左养生花胶鸡涮涮锅，配料好充足，花胶大块又爽口，鸡肉几嫩滑又大旧。而且加汤嘅汤底唔系清水，系真嘅汤底仲有养生料例如红枣等浸住，加极都仲够晒味。 锅霸另一样出色就系手打丸，最推荐手打麻辣牛丸及牛丸，几弹牙及麻辣味好出，唔会太辣。海鲜类手工虾滑及鲜虾都几弹牙，而且份量都几够。