水蜜桃冰室 (已結業)

有日同大少落去旺角行下，怀缅下以前细个响旺角通街行漫无目的嘅感觉！行行吓梗系又肚饿啦，但系喺旺角冇预备嘅情况之下都唔知食乜好！我地行下行下揾吓揾吓嘅时候去到女人街。见到有间叫做水蜜桃冰室，好似港式嘅豉油西餐，就不如入去试吓。餐牌嘅选择都几多，铁板餐又有焗饭又有。好似港式西式日式嘅选择都有，梗有一样啱你心水。落完单之后，好快餐汤同餐包就已经送上啦。系好classic港式西餐嘅红白汤。个汤都未饮完嘅时候，我哋叫嘅炸鸡翼又已经到啦！我哋见佢咁快仲以为系一早炸好再返炸嘅，点知一下落去只鸡翼系热到食唔到，入边仲好多汁，所以我哋对佢嘅估计系错嘅佢一定系新鲜炸起！再嚟就系一个炸蟹肉忌廉饼。转个头我哋嗌嘅炸鸡沙律又到啦！炸鸡都系新鲜炸起十分香口，唯一美中不足嘅就系太多沙律酱，比较浓味。我自己就叫咗个鸳鸯焗饭，味道中规中矩。大少作为一个好钟意食豉油西餐嘅人，佢一定会食铁板什扒餐。摆上台嘅时候，店员仲会先淋酒再点火，令到成件事更加有气氛！什扒餐入边都有唔少食材，最估佢唔到系有一件羊架。虽然未到算不上系十分出色，但诚意搭救！总括嚟讲呢间餐厅食物唔算话系十分出色，但系喺旺角呢个闹市，以咁嘅价钱有呢个食物质素已