捌加廿陸天婦羅居酒屋

营业中

休息中

今日同老公去旺角行街~ 见到呢间门面装修得咁靓嘅居酒屋! 平时见到呢间店成日大排长龙, 宜家未到食饭时间已经差唔多满座! 店舖入面分两层, 下层系吧枱, 上层就系坐榻榻米~我地今次被安排喺上层坐, 上到去有个位置换拖鞋, 先至入去榻榻米嘅位置, 所以都几卫生, 店家都几贴心! 成间店嘅墙壁都贴满日本嘅动漫, 上层仲见到好多日式灯笼添!我地叫咗两个自选天妇罗丼～一个配冷乌冬, 一个配冷荞麦面!天妇罗全部都炸到好脆同埋好薄皮～带子大大粒, 仲好有鲜味~ 鳗鱼外脆内软, 好好食! 广岛蚝好大只, 真材实料, 好好味~半熟蛋, 入面好Q弹同埋有流心添!冷乌冬好弹牙, 好有口感, 几好食~冷荞麦面比较爽口, 配住天妇罗一齐食都几解腻~两只都几适合夏天食! 我哋仲叫咗鸡皮饺子添! 将啲鸡皮包住啲猪肉, 估唔到咁好食~外皮烟烟韧韧嘅饺子, 口感好得意, 好特别!呢度嘅可乐仲要系樽装嘅~而家好少地方有! 下次要再嚟试下其他天妇罗!