北方餃子源 (砵蘭街)

营业中

休息中

依间之前系湾仔返工嘅时候食过，觉得啲嘢食都整得几好，不过对打工仔嚟讲佢单点唔算平，所以之前食都系食佢嘅lunch set多，价钱平民化啲。前几日系旺角行行下又见到佢，原来旺角都有分店，最好嘅系果个时段啱啱有 tea set，我当然系咩都冇谂，直接冲左入去试下依间又得唔得啦！下午茶选择好多，价钱仍然keep到大众化，原本谂住食佢嘅招牌饺子，不过见到人地叫嘅猪扒担担面果样都几得吓，所以临时转左軚！未食先睇卖相，炸猪扒同面系分开上嘅，咁猪扒就唔会咁容易林哂。猪扒属薄身，并且已经切好，比较容易食啲，特别嘅地方系面头加左一堆葱爆香蒜，用嚟送猪扒特别惹味! 至于面就用左幼身果只，容易吸汤。汤底睇色就知系好浓果只，上面放左肉碎，豆腐粒同花生，捞埋一齐食fit哂！跟餐可以拣豆浆，汽水同山楂茶，我就拣左山楂茶，因为其他地方比较少见有，饮落都好清新吓，用嚟解辣一流！希望下次嚟嘅时候可以多啲人嚟试多啲嘢啦！