新麻蒲 BBQ (已結業)

同男朋友买左5点场戏飞, 仲有个几钟时间 要医肚先咁岩前几日行过银行中心 见新麻蒲新开张晚餐时段好多人等 但系佢个烧肉好吸引!本身谂 下午茶时间韩烧好似好怪 都系下次先试但男朋友竟然话 想试就一于去啦 一个钟都应该烧得切既然佢肯 我当然不亦乐乎 马上冲过去我地嗌左两人份猪肉拼盆, 唔洗五分钟 d前菜就黎晒效率唔错 可能3, 4点时段人较少沙律系黑芝麻酱 同平时白芝麻酱味道唔同 都系白芝麻好味d 见仁见智吧泡菜一小兜 但可以添食 唔洗怕丑 另外仲有海苔 芽菜 腌萝卜 生菜好快 三层架主菜都黎 开始烧啦!第一层: 鲜菇 脆皮芝士肠 南瓜 年糕第二层: 护心肉 五花肉 大虾第三层: 猪排骨我地烧左第二层既肉先, 再烧大虾同菜类咁就可以用d肉汁同油令到菇同菜无咁干第二层既护心肉, 肉质好林 包住生菜/ 腌萝卜食 真系无得顶!而且佢秘制辣酱 味道酸酸甜甜 好味到不知不觉就点晒成兜酱最后剩返第三层既排骨 已经七成饱喇就叫职员换网烧埋佢 块排骨肥肉部分比较多 视乎个人喜好啦食完捧住个肚腩去睇戏 一顿大满足既下午茶!