影片
更多
2024-04-13
396 浏览
喺旺角通菜街一直都有好多嘢食，自己几乎都试过，呢间都算系近期比较新开嘅餐厅。每次经过都好想去试吓，特别系被佢相当吸睛嘅霓虹灯招牌吸引。虽然舖头嘅人手好似唔系好够，啲嘢食等得耐咗少少，但系都唔会话影响食物质素。‣ 刺身带子三文鱼籽明太籽手卷粉 $148咬第一啖嘅时候就已经劲钟意手卷粉嘅口感，相当烟韧，虽然唔至于话去到好似年糕咁样，但系佢嘅软硬度适中，唔会觉得太硬或者太淋，搭配埋明太子真系一流。虽然佢明太子嘅味道其实同其他Café都相差唔远，但手卷粉绝对令到佢变得独特。‣ 蟹肉明太籽西班牙蛋饼 $98呢个虽然等得有啲耐，但系好好食，蟹肉唔会多都唔会太少，蛋味浓郁，而且中间仲加咗芝士可以拉丝，每一啖都觉得极满足，比想像中饱肚嘅蛋饼。‣ 脏脏牛角包窝夫 $72自己一直都好钟意牛角包窝夫，我同朋友喺嗌咗Oreo口味，上枱𠮶阵觉得卖相都几吸引，而食落都真系好重Oreo味。牛角包窝夫嘅外脆内软配埋半溶嘅雪糕，好钟意冰火交融嘅感觉，食完就觉得再大份啲就好。‣ Cream Brûlée Coffee $46知道都有几间Café有Cream Brûlée，之前一直冇试到，但系决定第一次试吓，试完之后真系觉
喺旺角通菜街一直都有好多嘢食，自己几乎都试过，呢间都算系近期比较新开嘅餐厅。每次经过都好想去试吓，特别系被佢相当吸睛嘅霓虹灯招牌吸引。虽然舖头嘅人手好似唔系好够，啲嘢食等得耐咗少少，但系都唔会话影响食物质素。
‣ 刺身带子三文鱼籽明太籽手卷粉 $148
咬第一啖嘅时候就已经劲钟意手卷粉嘅口感，相当烟韧，虽然唔至于话去到好似年糕咁样，但系佢嘅软硬度适中，唔会觉得太硬或者太淋，搭配埋明太子真系一流。虽然佢明太子嘅味道其实同其他Café都相差唔远，但手卷粉绝对令到佢变得独特。
‣ 蟹肉明太籽西班牙蛋饼 $98
呢个虽然等得有啲耐，但系好好食，蟹肉唔会多都唔会太少，蛋味浓郁，而且中间仲加咗芝士可以拉丝，每一啖都觉得极满足，比想像中饱肚嘅蛋饼。
‣ 脏脏牛角包窝夫 $72
自己一直都好钟意牛角包窝夫，我同朋友喺嗌咗Oreo口味，上枱𠮶阵觉得卖相都几吸引，而食落都真系好重Oreo味。牛角包窝夫嘅外脆内软配埋半溶嘅雪糕，好钟意冰火交融嘅感觉，食完就觉得再大份啲就好。
‣ Cream Brûlée Coffee $46
知道都有几间Café有Cream Brûlée，之前一直冇试到，但系决定第一次试吓，试完之后真系觉得好钟意。好钟意佢面头嘅焦糖脆饼，饮嘅时候真系会谂返起Cream Brûlée嘅味，初时会以为杯咖啡都会变得好甜，但系其实结果唔系，我觉得两者啱啱好，你仍然都系饮得出咖啡嘅甘苦。
#foodbara_diary
张贴
