Black Coffee

营业中

休息中

旺角广华街角落嘅Black Coffee走型格暗黑路线，餐厅装修以黑色为主调，餐厅面向街景系落地玻璃窗，采光十足，连枱櫈碗碟都系黑色。红菜头藜麦沙律配香煎虎虾色彩缤纷卖相出色，用咗非常多乳酪，开胃又健康，虎虾大粒够香口，搭配红菜头同藜麦营养丰富。手打牛肉及原只大蘑菇汉堡配薯条黑色竹炭面包焗得香脆，用咗厚切手打牛肉，牛肉高质，牛肉味浓郁，配上半溶芝士好邪恶，大蘑菇、蕃茄、沙律菜材料丰富，另配香脆薯条。黑芝麻椰浆烤鸡玛沙拿 烤鸡肉质嫩滑，份量足够，钟意佢个椰浆咖哩再加黑芝麻酱，香浓惹味，捞饭一流。加上秋葵做配料，增加咗口感，另配沙律菜。竹炭黑芝麻鲜奶奶味突出，反而黑芝麻味弱咗，香滑可口，都有拉花。