妹記大排檔

营业中

休息中

有朋友外国翻黎，当然要食大排档，食翻啲佢系外国食唔到嘅味道，所以带咗佢食妹记。自己以前久唔久一大班人都会去食。有大排档风味之余，环境又阔落舒服。今次3个人，冇订到枱，18:15左右入座，咁啱有最后一张细枱(如果唔系就要搭枱)。真系太旺场关系所以8点要交枱。战斗碗啤酒先黎枝啤酒，一人一碗啤啤佢先。原只脆皮炸猪手每次黎妹记都必叫炸猪手，份量十足，起晒肉切晒片。唯一佢个皮比较厚，所以炸完会有小小硬，但对我黎讲依然系食唔停口。椒盐豆腐炸野黎讲，佢比较逊色，因为佢个外皮有啲厚，而且啲炸蒜同椒盐味都唔够出，下次未必会叫呢样。咸鱼茸飞天通菜煲正正常常嘅炒飞天通菜，好食，份量都多，但略嫌少少油。沙嗲金菇粉丝牛肉煲味道好浓，捞食饭一流，牛肉份量算多亦好淋。到8点埋单嘅时候已经全场爆满，出面仲坐满晒等入座嘅人。如果黎食，除非6点黎到，唔系嘅话就一定要订位。另外值得赞嘅位系上菜速度好快，环境阔落，热闹起上黎好有气氛，好适合一大班人聚餐。