捌加廿陸天婦羅居酒屋

营业中

休息中

新开咗一排嘅天妇罗店终于有时间去试，见到网上面keep住系好多人排队食，食次突登等佢晚市(17:30)一开始就去食，竟然都有人排紧队等开门。店入面地下系bar枱形式，2楼就好似要预约先有得坐上去，整体装修都系间好打卡嘅日式嘅餐厅。3个人去分别叫咗3个天妇罗定食同两款小食share，佢啲set好似车仔面咁，可以自由拣𩠌，本身个定食就有汤、前菜同生果。唐扬鱿鱼须 & 鸡皮饺子小食叫咗鱿鱼须同鸡皮饺子，鸡皮饺子好好食，个馅好大旧涨卜卜，平时有时食到系好hea好细旧冇乜馅。我叫咗虾，半熟蛋，牛肉饼同莲藕(本来想试那哥鱼可惜佢冇晒)，全部即叫即整，所以都要等20分左右先有得食。其中半熟蛋炸得啱啱好，仲可以keep 到好流心嘅效果，但牛肉饼有啲似扁身扎实嘅牛肉球但食落有啲膻味。另外都有试埋朋友嘅其他天妇罗，其中必叫嘅系鳗鱼同虎虾，餐肉都唔错。