麻辣風雲 (已改名) 查看

有时候口痕真系好想食酸酸辣辣嘅嘢食，麻辣风云我都食过好几次，水准都唔错，今次嚟到旺角嘅分店！今次我就叫咗好几款嘢食，有啲仲系新菜式未试过嘅添～ 💛荔枝虾球呢一碟菜式卖相非常之吸引，好似一个盆栽咁有好多荔枝。但查实佢系一个虾球，以荔枝嘅卖相呈现。出场嘅表现非常之华丽，店舖用晒干冰，一摆上枱个气势就好澎湃！而且外相非常别致，真系好似一粒荔枝，但咬落去就系大牙十足嘅虾球，口感非常唔错！💛酸菜鱼嚟到点少得食佢嘅招牌酸菜鱼，呢度酸麻辣都有得各自调，我就拣咗中酸中麻中辣，令到成个口感非常之平衡。但整体嘅菜式唔会太油腻～ 里面亦有好多配菜！💛黑松露溏心蛋我个人好中意食溏心蛋，而呢到更加加左黑松露系面，做到画龙点睛嘅效果。糖心蛋嘅烟熏味同黑松露味相辅相成！💛炸馒头唔知有冇人同我一样好钟意食炸馒头，沾炼奶真系冇得输，最重要系要炸得啱啱好，唔会太厚，薄薄地一层炸得香脆先系最高境界 呢到就岩晒我心意！