泰屋

营业中

休息中

行完旺角，醒起弥敦道726号新装修开左好多新餐厅，咁啱楼下派紧promo单张，呢间泰国菜睇来唔错，一如上去坐坐。餐厅装修系清新森林大自然风格，同泰国风光都几吻合。【青咖喱牛腩】牛腩份量都几足，两个人食好似笔极都笔唔晒。牛腩软冧冧，不塞牙；青咖哩小小辣，开胃送饭，好味。【炭烧猪颈肉】无肉不欢的食客必点猪颈肉厚切，肉质软嫩，点一点酱汁，一啖一啖停不了口。【细冬荫功鲜虾汤】食泰菜点可以唔食冬荫功呢份汤用料足，一大只虎虾，加埋好多杂菌，酸酸甜甜辣辣。不过只🦐好似雪左好耐，肉质再嫩些就更好啦【马拉盏通菜】今晚最满意之一！好大份，捞匀蒜蓉同肉碎，够火候，菜又冇变黑色，我一个人食左三分二最后加左一件【椰汁西米糕】椰汁层唔会太甜腻，入面仲有粟米粒带出一啲清香，两人share一件都好开心。虽然唔系平价，但食物质素同餐厅环境都系值得嘅。