村上居酒屋 (已結業)

系朗豪坊睇完戏，商场入面无野啱食，就行前一条街到揾餐厅食晚饭。经过呢间居酒屋，门口装潢几特别下，日风味浓，价钱合理，就决定系到食。三文鱼、帆立贝、甜虾等剌身非常新鲜，尤其岛池鱼十分肥美，油脂甘味。天妇罗虾反卷，上面有脆脆既蟹籽，更添口感层次。鳗鱼饭好抵食，鳗鱼厚厚一大片。几样烧物手羽先、汁烧牛柳、豚肉露荀卷同猪腩肉崽都唔错，烧到啱啱好，肉汁juicy又够味。最特别系有樱花水信玄饼食，透明好似水晶甘靓，入面有朵樱花，食落似梅味，微酸带少少甜，男仔都啱食。