串燒陣

营业中

休息中

系旺角行完街，夜麻麻想同朋友揾d小食食下再饮反两杯，就简左嘅间新开嘅串烧店。要送野饮第一味一定要叫炸鸡软骨，每粒都炸到好香脆，又够惹味。之后再叫左小食类别嘅芝士肠、芝士丸同埋烧卖，特别系烧卖烧到外脆内软，特别好食。而串烧肉类方面叫左五花腩、猪颈肉同埋八爪鱼松，今次推介猪颈肉，味道好足，烧到里面啲油花迫晒出嚟，油脂感十足，好正。而食串烧又点可以无蔬菜类，我地叫左虎皮青椒、秋葵同埋四季豆，调味大致相同，会推介青椒，食落小辣好过瘾。最后叫多样锡纸烧蒜蓉花甲，花甲粒粒无沙干净，蒜蓉比得超多，亦都好好食。今次叫嘅嘢食全部都好满意，下次去到旺角夜晚，要食宵夜又有好地方啦！