大山日本料理

营业中

休息中

大山日本料理，喺兆万中心对面嘅楼上铺，有去过旺角嘅人都知道兆万有名叫劣食塔，食十次屙八次，不过兆万放题嘅食评下次先写，今次要写嘅系同事介绍嘅居酒屋。餐厅用彷木装修，挂咗好多灯笼同埋日本画，环境几舒适不过个人觉得over咗啲，有种过分强调自己系日本餐厅嘅感觉。我哋入到去好好彩，职员安排咗我哋坐窗口位，望到街景，感觉几舒服。我哋两个人一共叫咗六款食物，四个小食、一个刺身拼盘同埋个炒饭。小食分别有牛舌串烧、炸鸡、烧鲭鱼同煎饺子。牛舌好够味，肉质如果可以再弹牙啲会仲正。煎饺子有啲失色，味道系ok嘅，只不过啲冰花一啲都唔脆，有少少失望。烧鲭鱼烧得几香，肉质都滑而且冇腥味。最低食一定系碟炸鸡，本来谂住得四块，上碟竟然有七块咁多，仲要炸得好香脆，味道偏咸不过就好啱我呢啲食重口味嘅人。刺身拼盘我哋冇叫最贵𠮶只，要咗$248嘅(松)拼盘，海胆唔腥，三款鱼嘅刺身都切得好厚身，而且味道鲜甜。主菜鳗鱼炒饭，鳗鱼冇腥味，酱汁都几重手，个炒饭几咸不要我就系钟意咁重口味嘅嘢。总括而言，六碟𩠌有五碟我会encore，价钱亦唔算贵，可以返食。