長阪燒

营业中

休息中

估唔到系旺角揾到一间超级亲民价又有水准既Omakase(厨师发办)，叫得做厨师发办，当然就系由厨师话事，无特定餐牌同菜式啦，啱哂有选择困难症既我呀! 由厨师按季节当造同埋当日最好既食材黎决定整啲咩，如果有啲咩系唔食既或者食物敏感就要事前同厨师提出啦，厨师会因应情况改变。另外，Omakase既上菜次序一般会由淡到浓，油分较重的菜式也会在中后段先出现，今次我就试左个12品丰盛席间料理，每一道菜式都好有心思同埋配搭得宜，好有水准，真系劲劲劲满足呀~~最令我印象深刻嘅系可以食到富山湾既白虾，因为几年前试过专登搭车去釜山嘅一个水产市场度食，依然系𠮶种鲜贴入口软糯嘅白虾仔；另外就系西班牙生蚝真系超大只，食之前都仲系识郁，证明系啱啱先开出嚟，入口系𠮶种爽口嘅蚝肉同埋大有少少嘅海水味；跟住呢就系𠮶个意大利黑醋配鹅肝多士，酸酸地嘅黑醋中和左鹅肝𠮶种油腻，配搭得好好👍🏻系食野期间店员同厨师都好热情同埋有讲有笑，唔似平时去食野好严肃既餐厅咁，随左会介绍每道菜式既卖点又会建议埋进食既先后次序，务求每一位食客都可以食到食物本身既鲜味，中意食好野又中意每样都试下既你，真系唔好错过呢间咁有水准既亲民Omakase餐