泰角海南雞 (已結業)

🍔最钟意系女人街隔离个条小巷觅食，皆因经常有唔少新嘅餐厅，而且大多数都系小店，价钱都几相宜😋 依一间都系依到新开嘅泰菜，菜式都算多，出名嘅泰菜基本上都有，而且价钱仲几亲民！-泰式海南鸡饭($48) 仲送一碗例汤，食到佢有放芫荽，鸡壳同白胡椒。但略嫌放得太多白胡椒，饮落过于浓味同抢喉🤭 海南鸡份量唔少，鸡胸唔会话鞋口，鸡脾位好嫩滑，鸡皮都爽口，系鸡味少左啲🐓 泰式船面($50) 面底系金边粉，几滑身。配料有牛丸同肥牛。虽然未听过船面会放肥牛😂，有啲港式风味都唔差。汤底几够味，但就偏咸同油左啲，但胜在份量好足够😙炸虾饼($30) 有三件，非常脆口，虾肉爽弹，好惹味，配埋象啤就💯！