小念頭 (通菜街) (已搬遷) 新店位置

早排黎过一次呢间位于旺角既楼上cafe，今次咁啱想揾个地方同朋友坐下倾下计，于是又黎返呢到。我哋叫左俄罗斯蜂蜜蛋糕、苹果不见了、伯爵波波冰奶茶、同埋凤梨香茅汽泡水。俄罗斯蜂蜜蛋糕︰蜂蜜味香浓，一食落口就食得出蜂蜜既甜味，口感好有层次，食得出好多层既蛋糕同cream，而且cream好滑。蜂蜜味突出得黎又唔会太甜，非常推介！伯爵波波冰奶茶︰佢会比一杯热奶你自己去加落去，倒左落去之后d波波会慢慢融，茶味会随住d波波融而变得更浓，新奇有趣，而且几好饮。凤梨香茅汽泡水︰有几旧菠萝喺底，然后有一两旧既香茅浮喺上面，卖相好有趣，饮落几有菠萝味，相对黎讲我比较钟意伯爵波波冰奶茶。苹果不见了︰店员一将佢放上枱就闻到伯爵茶既香味，咬落会食得出一片片既苹果，加埋伯爵茶酱令到蛋糕唔会好干身，蛋糕上面仲有杏仁粒，令口感更丰富。总括黎讲呢间系一间甜品控必去既楼上cafe，两次去佢都有唔同既蛋糕，总会揾到一款啱你既，而且蛋糕好高质好好食，舖头环境都好舒适，好啱同朋友黎坐低食件cake倾下计，享受一个悠闲既晏画。店员都好nice好有礼貌，会介绍返唔同既蛋糕同埋野饮。