SUN HARU (威達商業大廈)

营业中

休息中

呢间餐厅位于旺角通菜街，位置都几方便，餐厅入面嘅墙画都好有特色。当日平日夜晚去食，全场都坐到全满，好受欢迎。因为得我同朋友两个，我地就简咗二人套餐，佢有两个款式，一款系煎饼配炒粉丝，另一款系蛋卷配汤饭，套餐性价比都几高，最尾两个人都食到劲饱肚。🍗 亚之妈炸鸡半只 (蜂蜜芥末)炸鸡嘅味道有好多唔同嘅选择，最尾简咗蜂蜜芥末味; 炸鸡虽然系半份，但份量都几多，每件鸡都沾满酱汁，所以食落都唔会好干。🥚 韩式蛋卷 (芝士)蛋卷有芝士同明太子两款味道可以选择，最尾简咗芝士味; 蛋卷呈长条型，都分到成八大件，食完都几饱肚; 蛋都煎得好嫩滑，同芝士非常夹。🍚 辣泡菜腩肉汤跟饭呢个泡菜汤饭嘅材料都非常多，有好多洋葱同腩肉片，味道亦都唔算好辣，平时唔食得辣嘅朋友食佢都无问题。🍹 饮品(蜂蜜柠檬茶、蜂蜜红枣茶)饮品嘅选择都好多，亦都有好多养生系列嘅饮品，几钟意佢有得简少甜少冰，连杯热嘅蜂蜜红枣茶都可以简少甜，而最后杯饮品又真系少甜少冰。