影片
更多
2022-05-29
748 浏览
旺角呢间新餐厅有齐西式、台式、中式嘢食，仲有甜品添，而且价钱大众化👍🏻我哋今次就主要食台式嘢食加甜品，质素比想像中好。盐酥蚵仔 $38呢度嘅蚵仔肥美，大只胀卜卜，味道鲜味😋，盐酥味道惹味，而且炸得好，唔会吸满油，炸粉都只系薄薄，赞赞赞👍🏻特式台湾牛肉汤面 $60牛肉汤面份量非常足，用小窝上，够晒热辣辣👍🏻。牛肉汤味道浓郁，呢个价钱算系满意。粗面口感烟韧，牛肉煮得入味，肉质都算腍，萝卜鲜甜。另外，仲有一碟小凉菜附上，爽脆四季豆配上一条烟熏味小鱼，几好食😋。特式卤水杂锦肉燥拌面 $60有卤水五花腩、猪大肠、金钱肚、鸡翼，卤水都入味😋。肉燥份量够，足以捞匀全碗面，再加上少少爽脆青瓜丝，味道唔错。拌面我哋拣咗幼面，面都有相当的粗度，所以都几好口感👍🏻。雪燕蛋白炖椰皇 $48呢个好有清香，椰青𠮶种清新香甜味加上滑滑嘅蛋白😋，配埋雪燕食，好滋阴嘅感觉。生磨芝麻糊 $30呢个芝麻糊磨得好幼细，食落去好滑，有惊喜😋，我哋拣咗冻食，芝麻味道都好香浓。
盐酥蚵仔 $38
呢度嘅蚵仔肥美，大只胀卜卜，味道鲜味😋，盐酥味道惹味，而且炸得好，唔会吸满油，炸粉都只系薄薄，赞赞赞👍🏻
特式台湾牛肉汤面 $60
牛肉汤面份量非常足，用小窝上，够晒热辣辣👍🏻。牛肉汤味道浓郁，呢个价钱算系满意。粗面口感烟韧，牛肉煮得入味，肉质都算腍，萝卜鲜甜。另外，仲有一碟小凉菜附上，爽脆四季豆配上一条烟熏味小鱼，几好食😋。
特式卤水杂锦肉燥拌面 $60
有卤水五花腩、猪大肠、金钱肚、鸡翼，卤水都入味😋。肉燥份量够，足以捞匀全碗面，再加上少少爽脆青瓜丝，味道唔错。拌面我哋拣咗幼面，面都有相当的粗度，所以都几好口感👍🏻。
雪燕蛋白炖椰皇 $48
呢个好有清香，椰青𠮶种清新香甜味加上滑滑嘅蛋白😋，配埋雪燕食，好滋阴嘅感觉。
生磨芝麻糊 $30
呢个芝麻糊磨得好幼细，食落去好滑，有惊喜😋，我哋拣咗冻食，芝麻味道都好香浓。
张贴
