大山日本料理

营业中

休息中

今日约咗朋友去旺角食嘢，见到呢间日本菜几多人。价钱又唔贵。我哋坐咗卡位几舒服，有热茶饮。之后慢慢用QR code落单。拣咗牛油果软壳蟹卷，呢个够多沙律酱，软壳蟹脆口，整个卷物仲有牛油果🥑味道相当唔错。寿司拣咗天妇罗寿司，天妇罗虾炸得几好，唔会太油腻。串烧种类都有好多，我哋拣咗两串免治鸡肉棒串。免治鸡肉串面上有酱汁，另外仲有生蛋可以点，点完生蛋，鸡肉串口感更滑。炸物叫咗和风炸鸡，估唔到份量都几多，炸鸡啖啖肉又几脆，仲有沙律酱。最后拣咗个饱肚嘅豚肉泡菜锅，泡菜酸酸辣辣配豚肉就最夹，豚肉都有好多，而家天气冻冻地食锅物就暖笠笠。