青花 (THE FOREST)

呢间青花位于旺角The Forest入面，餐厅室内空间十分之宽敞。侍应都十分欣勤，安排我地2个人好舒服咁坐个角落窗口位。佢地本menu都几靓，成个杂志咁。我地今日晏昼叫左： 🔸️ 惹味拼盘（小）（$96, 9/10）虽然系小size，但呢个拼盘份量十足，每款有2-3件，有鸡皮卷，酸肠，鱼饼同埋鸡肠。样样都炸得好香脆好好味！我就特别中意佢个泰鸡皮卷，好香。性价比都高。 🔸️ 芒果蟹肉沙律 ($118, 9/10)呢个芒果蟹肉沙律好新鲜好好食！有好多蟹肉，佢仲要起骨起得好好，完全冇蟹骨，啖啖蟹肉好鲜甜，仲要配搭埋芒果肉同芒果汁dressing,好colourful之余又好开胃。 🔸️ 马蕯拉香料牛肉咖哩（$128，8.2／10）呢个马蕯拉香料咖哩同一般泰国咖哩既味唔同，香料味特别重，味道浓，入面有牛肉莲藕茄子等配料，几特别。 🔸️ 蒜蓉包（4片）（$48，8.5／10）焗得好靓好脆口😁点咖哩就啱哂😁 ✏️食到饱每个人都唔驶二百蚊，几扺食，坐得又舒服。