影片
更多
2024-08-07
294 浏览
今次去旺角食韩烧，预先向Openrice买咗个90分钟嘅Lunch放题 ($206)，拣咗Lv2，多9款海鲜食，另外因为订咗系四位，四位又送多份酱油八爪鱼。肉类选择都几多，猪牛鸡唔同部位加加埋埋有14款咁多，虽然试唔哂，但今次食过嘅整体质素都唔错。特别推介牛肋骨同韩式牛肉，牛肋骨比起出面食到嘅淋身软嫩D，佢同韩式牛肉嘅调味都几正👍 鸡软骨系骨连少少肉咁，另外烧烤炉火大细啱啱好，容易控制，猪颈肉是但烧都烧得几香。海鲜有9款分别系： 八爪鱼、青口、海墨鱼、白蚬、海鱿鱼、墨鱼咀、鱿鱼须、翡翠螺同多春鱼。 个人几钟意白蚬、翡翠螺同多春鱼。白蚬海水味重，翡翠螺爽口多肉。 多春鱼一向点烧都正，但容易痴板，烧完记得去返点餐页面拣要换烧烤板。附送嘅酱油八爪鱼比想像中多，味道同口感都ok。提提大家呢个系四位先送ja。另外冇谂到出面自助拎嘅配菜都几正，有辣蟹仔、辣鱿鱼酱、海带等，味道几似韩国。 除咗前菜，出面做有各式蔬菜同菠萝可以烧。不单止配菜，韩式小食都十分出色❗️泡菜煎饼食落脆口、蛋卷同粉丝都ok、炸物类热辣辣好脆。 叫紫菜包饭仲可以拣食素/猪/牛/鸡，几贴心。炸鸡几大件，食落仲有少少脆，想讲个芝士粉味
今次去旺角食韩烧，预先向Openrice买咗个90分钟嘅Lunch放题 ($206)，拣咗Lv2，多9款海鲜食，另外因为订咗系四位，四位又送多份酱油八爪鱼。
肉类选择都几多，猪牛鸡唔同部位加加埋埋有14款咁多，虽然试唔哂，但今次食过嘅整体质素都唔错。
特别推介牛肋骨同韩式牛肉，牛肋骨比起出面食到嘅淋身软嫩D，佢同韩式牛肉嘅调味都几正👍
鸡软骨系骨连少少肉咁，另外烧烤炉火大细啱啱好，容易控制，猪颈肉是但烧都烧得几香。
海鲜有9款分别系： 八爪鱼、青口、海墨鱼、白蚬、海鱿鱼、墨鱼咀、鱿鱼须、翡翠螺同多春鱼。 个人几钟意白蚬、翡翠螺同多春鱼。白蚬海水味重，翡翠螺爽口多肉。 多春鱼一向点烧都正，但容易痴板，烧完记得去返点餐页面拣要换烧烤板。
附送嘅酱油八爪鱼比想像中多，味道同口感都ok。提提大家呢个系四位先送ja。
另外冇谂到出面自助拎嘅配菜都几正，有辣蟹仔、辣鱿鱼酱、海带等，味道几似韩国。 除咗前菜，出面做有各式蔬菜同菠萝可以烧。
不单止配菜，韩式小食都十分出色❗️泡菜煎饼食落脆口、蛋卷同粉丝都ok、炸物类热辣辣好脆。
叫紫菜包饭仲可以拣食素/猪/牛/鸡，几贴心。炸鸡几大件，食落仲有少少脆，想讲个芝士粉味炸鸡调味同我向韩国食收几似😍
饮品方面，有汽水机、柚子蜜同热茶选择。 当然唔少得甜品，有雪糕、泡芙同brownie。 雪糕系vanilla味，少少偏向雪芭feel𠮶种，泡芙入面系有雪糕，几惊喜。
张贴
