越男仔

营业中

休息中

广华街系出名嘅食街，呢间越南菜有好多款式，晚市套餐都几吸引，饭餐会送汤，仲可以以优惠价加配饮品同小食，推荐大家拣3道菜晚餐，80几蚊起有沙律，小食和主菜👍🏻无骨凤爪沙律🥗凤爪爽口，份量都几多，有大约五六只，仲有大量新鲜蔬菜，包括青瓜🥒，椰菜，萝卜丝🥕，紫洋葱等，爽脆清甜，酸酸甜甜好开胃。手撕鸡檬纸卷🐥檬纸卷里面包咗萝卜丝同檬粉，爽口清新，上面放咗大量嘅手撕鸡，份量完全不吝啬，加咗胡椒粉调味更惹味，淋上酸酸甜甜嘅捞檬汁好清新。招牌软壳蟹配黄姜饭🦀原只软壳蟹够晒份量，炸得好酥脆，再配埋炸香蒜🧄同辣椒🌶️够晒惹味，小心食咗件辣椒即刻辣到喷火😂，黄姜饭好香姜味，而且软硬适中，粒粒分明，一定系炒香过👍🏻法式芝心虾多士(4件)🧀跟餐加$45，呢款组合都几特别，先用虾胶包住芝士软心，再用面包包住，沾上芝麻炸香。外面炸得好香脆，好香芝麻味，内里虾胶好似虾饼咁，爽口弹牙，内里芝士流心效果一流🤤整体来讲，食物分量多，价钱抵食；小店经营会比较忙碌不过店员服务态度都十分良好。