韓燒大叔

营业中

休息中

我哋一家人都好钟意食韩烧，今次食韩烧大叔系因为见到佢抵食，而且好多选择！入到去好多 car 位，有啲座位系有两个炉嘅！我哋4个座都好大好宽敞！坐低就可以自助落单，scan QR code 拣食物，十分方便！另外仲有自助区，自助区有配菜、酱料，再配埋自家制泡菜食，就 perfect match；仲有汽水机，冰冻柚子蜜，食韩烧怕热气，饮返杯柚子蜜就最啱！食物种类繁多，鸡牛猪样样齐，有6款唔同部位嘅安格斯美牛 & 澳牛，有啲有埋酱料，烧出嚟唔洗调味就食得。如果想食海鲜刺身都得，每位加 $88 就可以升级。海鲜有半壳扇贝、虎虾、凡立贝、青口等等⋯烧海鲜真系好好食；特别介绍 - 猪皮，烧猪皮真系必定要试；刺身有就三文鱼、带子、赤虾⋯都系任食。当然唔少得热食，全部都系即叫即制，保持热度！热食方面多款韩国小食，真系样样都好好食！之前讲自助区，仲有即制爆谷、窝夫，自制软雪糕机，仲有个甜品柜，有泡芙、芝士蛋糕等等⋯记住要留返个胃嚟食甜品呀！我哋4位就送鳗鱼，而我哋参加抽奖活动就抽中韩牛西冷，超级正！总结：食到好饱嘅一晚，大人细路都好啱食，约埋朋友嚟聚都一样得，晚市放题系120分钟，一路倾一路食就最啱。